كاسپي تەڭىزىنىڭ ەلىمىزدە ورنالاسقان سەكتورىنداعى «قاشاعان» كەن ورنىنان مۇناي ءوندىرىپ جاتقان NCOC كومپانياسىنا جاڭا باسقارۋشى ديرەكتور كەلەتىن بولدى. بۇل دەرەكتى كومپانيانىڭ ءباسپاسوز قىزمەتى راستادى, دەپ جازادى Egemen.kz.
NCOC كومپانياسىنىڭ باسقارۋشى ديرەكتورى لاۋازىمىن 2021 جىلعى ماۋسىمنان بەرى وليۆە لازار اتقارىپ كەلدى. ەندى ونى الداعى ناۋرىز ايىندا دجانكارلو رۋيۋ الماستىرادى.
«دجانكارلو رۋيۋ قازاقستاندا جانە شەتەلدىك كومپانيالاردا مۇناي مەن گاز كەن ورىندارىن باسقارۋ ستراتەگياسى بويىنشا مول تاجىريبە جيناقتاعان. وسى قىزمەتكە دەيىن ءوندىرىستىڭ, كەن ورىندارىن بارلاۋدىڭ, يگەرۋدىڭ, پايدالانۋدىڭ, سونداي-اق بيزنەستى دامىتۋدىڭ تولىق بارىسىن قامتيتىن جاۋاپتى لاۋازىمداردى اتقارعان. وسى كەزگە دەيىن «قاراشىعاناق پەترولەۋم وپەرەيتينگ ب.ۆ.» كومپانياسىنىڭ باس ديرەكتورى لاۋازىمىن اتقارىپ كەلەدى. مۇنىڭ الدىندا ابۋ-دابيدە Eni/ADNOC بىرلەسكەن كاسىپورنىنىڭ قۇرلىقتاعى باعدارلاماسىن باسقاردى. گانادا Eni كومپانياسىنىڭ باسقارۋشى ديرەكتورى, قاشاعان كەن ورنىن يگەرۋدىڭ ءى كەزەڭىنىڭ ديرەكتورى بولدى», دەپ حابارلادى كومپانيانىڭ ءباسپاسوز قىزمەتى.